Sayt sizə hüququn 40-a yaxın fərqli sahəsi üzrə test tapşırıqları edərək və kazuslar həll edərək biliklərinizi möhkəmləndirmək və hüquq üzrə test imtahanlarına hazırlaşmaq imkanı yaradır.
Test tapşırıqları həm məcəllələr, həm də eyni sahədən olan qanunlardan ibarət kateqoriyalar şəklində yerləşdirilmişdir. Siz bir kateqoriyadan həm ümumi xarakterli, həm də həmin kateqoriyanın xüsusi hissələri üzrə tərtib olunmuş test tapşırıqlarını işləyə bilərsiniz. Əlavə olaraq, saytda müvafiq qəbul imtahanlarının proqramına uyğun olaraq tərtib edilmiş vəkillik, hakimlik, prokurorluq və ədliyyə sınaq imtahanları, eləcə də dövlət qulluğu imtahanına hazırlıq üzrə qanunvericilik sualları yerləşdirilmişdir. Saytda yerləşdirilən kazuslar isə qanunvericilik aktlarına istinadlar və cavabları ilə təqdim olunur. Hakimlik və prokurorluğa qəbul imtahanı üzrə namizədlər üçün bu kazuslar əvəzedilməz hazırlıq mənbəyidir.
Saytda həmçinin məhkəmə praktikaları üzrə paylaşımlar, praktiki hüquqi məsələlər üzrə məqalələr, qanun xəbərləri və hüquqi yazılar da yer alır. Gələcəkdə saytda onlayn təlimlərin yerləşdirilməsi də nəzərdə tutulur.
İstənilən yerdə və zamanda test imtahanlarına hazırlıq – effektiv öyrənmə imkanı!
Suallar arasında sürətli naviqasiya – interaktiv və dinamik öyrənmə təcrübəsi!
Hüququn 40-a yaxın sahəsi üzrə geniş test bazası – hər mövzuya uyğun suallar!
Ədliyyə, prokurorluq, vəkillik və hakimlik sınaq imtahanları ilə real imtahan təcrübəsi!
Dövlət qulluğu imtahanının qanunvericilik suallarına dair xüsusi hazırlıq testi!
Səhvlərinizi görün, sualı yenidən nəzərdən keçirin – təcrübədən öyrənin!
Doğru cavablar, normativ aktlara əsaslanan izahlar və istinadlarla birlikdə!
Proqresinizi izləyin – bilik səviyyənizi güncəl statistik məlumatlarla ölçün!
Normativ aktları sadəcə oxuyaraq hüquq üzrə imtahanlarda iştirak etmək imtahanda uğur qazanmaq ehtimalını azaldır. Müvəffəq nəticə nəinki normativ aktları mənimsəməkdən, həm də yetərli tapşırıqlar edərək biliklərini gücləndirməkdən asılıdır. Yazılı test toplularının işlənilməsi çox vaxt almaqla bərabər, interaktiv öyrənmə və yanlış cavabların normativ aktlar əsasında yerində yoxlanılması imkanı təmin etmir. Həmçinin, test toplularının əksəriyyətinin tərtib metodikası hazırda aktuallığı itirib.
Legal Quiz hüququn fərqli sahələri üzrə tapşırıqlarını virtual məkanda əlçatan edir. Olduğunuz yerdən bir klik ilə həm biliklərinizi yoxlaya, həm də imtahanlara hazırlaşa bilərsiniz. İnteraktiv öyrənmə prinsipi ilə çalışan saytımız sizlərə tapşırıqların düzgün cavablarını, normativ aktlar əsasında izahlarını və istinadlarını real vaxt rejmində təqdim edir. Buradakı testlərin həlli hüquqi analiz tələb etdiyi üçün, onlar hazırkı imtahanlarda istifadə olunan metodikalarla səsləşir.
Legal Quiz vasitəsilə siz uğura bir addım daha yaxın olacaqsınız!
Gözəl layihədir. İşlərinizdə uğurlar!
Operativliyiniz digər işləriniz kimi təqdirəlayiqdir. Jestiniz üçün isə təşəkkür edirəm! İşinizdə bol-bol uğur arzulayıram!
Təşəkkür edirəm belə faydalı və produktiv xidmətinizə görə!
Suallara görə təşəkkür edirəm. Uğurlar fəaliyyətinizdə!
İlk dəfə idi istifadə edirdim, məmnun qaldım. Hər şey əla idi. Sualların getdikcə daha da artacağına ümid edirəm!
Bu qədər rahatlıq və yenilikçiliyin təqdim edildiyi bir hüquqi sayta ilk dəfə rast gəlirəm. Xüsusilə, hər testin sonunda istinad və izahların təqdim edilməsi istifadədə böyük rahatlıq yaradır. Görülən işlər təqdirəlayiqdir. İşlərinizdə uğurlar arzu edirəm və saytınızın fəaliyyətini maraqla izləməyə davam edəcəyəm.
Suallar maraqlı idi və qəlizliyi yaxşı səviyyədə idi. Sualların sayı artırılsa daha yaxşı olar. Bir də prokurorluq sınaq imtahanları təşkil olunsa sevinərik. Fəaliyyətinizdə uğurlar arzu edirəm.
Legal Quiz Azərbaycanda və xaricdə nüfuzlu universitetlərdən məzun olmuş, habelə dövlət və özəl, həmçinin beynəlxalq sektorda 10 ildən artıq peşəkar təcrübəyə malik olan bir qrup hüquqşünas və vəkil tərəfindən yaradılan onlayn bir platformadır. Hüququn müxtəlif sahələri üzrə bu peşəkar hüquqşünaslar və vəkillər tərəfindən tərtib olunan test tapşırıqları və kazuslar burada - vahid virtual məkanda birləşir.
Həmçinin, saytda məhkəmə praktikaları və hüququn müxtəlif sahələri üzrə praktiki yazılar, eləcə də dövri qanun xəbərləri yer almaqdadır. Bununla, hüquqşünaslar və hüquq tələbələri sahələri üzrə faydalı məlumatlar əldə edə bilərlər.
Bizim əsas məqsədimiz hüquqşünasların və hüquq tələbələrinin imtahanlara əvvəlcədən hazırlaşmaları üçün faydalı bir məhsul yaratmaq, həmçinin onların fərqli hüquq sahələri üzrə saytda yerləşdirilmiş testləri və kazusları həll edərək biliklərinin təkmilləşdirilməsində vasitəçi olmaq və bununla, Azərbaycan hüquq cəmiyyətinə töhfə verməkdir.
